Гісторыя Агратурызм Мой род – мая радзіма

Мой род – мая радзіма

-

- Рэклама -

Экспанаты, якія прайшлі праз сэрца

 Маё творчае супрацоўніцтва з беларускімі перыядычнымі выданнямі доўжыцца амаль трыццаць гадоў. Прыгадаю 1989 год, калі я толькі пры­йшла працаваць у музей. Пашчасціла адправіцца ў пошукавую экспедыцыю па раёне разам з навукоўцам і пісьменнікам Эдуардам Карніловічам. Заўважыўшы маю цікавасць да гэтай справы, ён паспеў даць некалькі каштоўных парадаў, якія я час ад часу ўспамінала, чытаючы яго кнігі.

Памятаю свае першыя артыкулы ў раённай газеце, што з’явіліся ў вы­ніку карпатлівай пошукавай працы, сустрэчаў са шматлікімі людзьмі, пра­цы ў архівах і Нацыянальнай бібліятэцы Беларусі. Я ніколі не думала пра каш­тоўнасць такой працы, проста мне было цікава знаходзіць нешта новае і пісаць пра гэта. Пазней, калі пачала выступаць на навуковых канфе­рэн­цы­ях, друкавацца ў агульнанацыянальных выданнях, заўважыла цікавасць вядо­мых навукоўцаў да маіх матэрыялаў і ўсвядоміла, што займаюся важ­най справаю, раблю свой унёсак у захаванне гісторыка-культурнай спад­чы­ны Бацькаўшчыны. Я ганаруся, што мне ўдалося вярнуць для беларускай культуры імёны некаторых нашых землякоў, якіх не ведалі на радзіме.Чытаць далей…

За час працы ў музеі мне пашчасціла сустрэцца з многімі вядомымі вучонымі, артыстамі, пісьменнікамі, мастакамі, іншымі творчымі людзьмі, якім я прысвяціла цыклы выставак і артыкулаў; для нашых гасцей спявалі салісты оперы Антаніна Гіль і Аляксандр Кеда, чытаў свае вершы артыст Беларускага дзяржаўнага тэатра імя Якуба Коласа Пятро Ламан, іграў артыст Марыінскага тэатра Васіль Жучэнка, распавядала пра свае спартыўныя дасягненні чэмпіёнка Еўропы Тамара Шыманская, адкрывалі таямніцы прыгажосці таленавітыя мастакі, дзяліліся дасягненнямі беларускія навукоўцы.

А колькі ўнікальных фотаздымкаў было знойдзена за гэты час і ўпершыню надрукавана на старонках перыядычных выданняў і кніг! Творчы праект «Стары фотаздымак» завяршыўся выпускам маёй чарговай кнігі, цёплую прадмову да якой напісаў прафесар Аляксей Пяткевіч.

Шмат матэрыялаў, напісаных мною, змешчана ў гісторыка-дакументальнай хроніцы Карэліцкага раёна «Памяць», у навуковых зборніках, а вельмі многія дакументы і фотаздымкі ляглі ў аснову экспазіцыі Карэліцкага раённага краязнаўчага музея «Зямля і людзі», дзеля стварэння якой 20 гадоў таму я прыклала шмат сілаў і намаганняў. I хаця маральна яна не састарэла і сёння яшчэ падабаюцца наведнікам, але час патрабуе абнаўлення. Спадзяюся, што сярод тых, хто прыйшоў мне на змену, знойдуцца фанаты сваёй справы, якія здолеюць стварыць новую экспазіцыю, улічаць рэаліі часу.

Колькі разоў у цяжкія моманты жыцця я шукала сілаў і натхнення ў залах музея, дзе памяць, як кінастужка, пракручвала важныя для мяне падзеі, звязаныя з гісторыяй, вандроўкамі і сустрэчамі.

 Святлана КОШУР, г. Карэлічы

 Koszur_001

Ад рэдакцыі. Гэткімі словамі заканчваецца кніга С. Кошур «Залатая падкова Свіцязі», пра якую мы распавялі ў мінулым нумары. Чытачы і ўсе сябры «Краязнаўчай газеты» маюць магчымасць сустрэцца з даследчыцай Карэліччыны, музейным работнікам на чарговай краязнаўчай імпрэзе. З першых вуснаў пачуеце пра цікавосткі зямлі, якая ўзгадавала Ігната Дамейку, Яна Булгака, Мікалая Нагорнага, Пятра Конюха, Барыса Кіта, зямлі, маёнткі якой сталі прататыпамі сядзібаў у знакамітай паэме «Пан Тадэвуш». Беларускі фонд культуры і Святлана Андрэеўна запрашаюць 1 чэрвеня ў Літаратурны музей Максіма Багдановіча (Мінск, вуліца М. Багдановіча, 7а). Сустрэча пачнецца а 15 гадзіне.

Уладзiмiр Гiлеп
Уладзiмiр Гiлепhttp://www.bfk.by
Галоўны рэдактар

НАПІСАЦЬ АДКАЗ

Калі ласка, увядзіце ваш каментар!
Калі ласка, увядзіце ваша імя тут

Апошнія навіны

Падпішыцеся самі, падпішыце родную школу — інструкцыя, як аформіць падпіску праз інтэрнэт

Як падпісацца на «КРАЯЗНАЎЧУЮ ГАЗЕТУ» не адыходзячы ад камп'ютара? Зрабіць гэта цяпер можна на сайце «Белпошты». Для гэтага:

Школьнае краязнаўства

Дзеля развіцця навукова-даследчай дзейнасці як эфектыўнага чынніка павышэння якасці адукацыі і ўсебаковага развіцця асобы навучэнцаў пры канцы...

Унук – пра дзеда, майстра фатаграфікі

Асабістымі ўспамінамі пра знакамітага майстра мастацкай краязнаўчай фатаграфіі Яна Булгака падзяліўся яго ўнук Богдан Булгак. (Нагадаем нашым...

Да ўвагі! Полацк!

Сёння часам можна пачуць: «Навошта нам Полацк? Нам хапае і гісторыі Вялікага Княства Літоўскага». Гэтыя людзі забылі,...
- Рэклама -

Жыццё для працы, для кніг, для людзей

Хачу расказаць пра свайго прадзеда Васiля Паўлавіча Голуба, дзеда майго бацькі. Нарадзiўся ён у вёсцы Параслішча Акцябрскага...

«Зносіны» з мінуўшчынай

«Малая радзіма – вялікая гісторыя» – пад такой назвай у Пескаўскай сельскай бібліятэцы адбылося чарговае пасяджэнне аматарскага аб'яднання...

Варта прачытаць

Школьнае краязнаўства

Дзеля развіцця навукова-даследчай дзейнасці як эфектыўнага чынніка...
- Рэклама -

Вам таксама можа спадабацца
Рэкамендуем вам